کۆمەڵێک خۆراک رۆڵێکی کارایان هەیە لە چارەسەرکردنی هەوكردنی جومگەكان بەتایبەتیش، زەنجەبیل و سیر.
بەپێی توێژینەوەیەكی نوێی زانستی كە لەگۆڤاری تایمز ئۆف ئاندیا، هەندێك خۆراك هەن کە کاریگەرییەکی راستەوخۆیان لەسەر چارەسەری هەوكردنی جومگەكان هەیە؛ كە بە یەكێك لەنەخۆشییە بڵاوەكان دادەنرێت لە جیهاندا و دەبێتە هۆی دروستبوونی ئازار، هەڵاوسان و كەمكردنەوەی جووڵە.
هەر لەتوێژینەوەكەدا ئاماژەبەوەشکراوە، هەندێك خۆراك هەیە كە دەوڵەمەندن بە ماددەی ئۆمیگا سێ و دژە ئۆكسان کە یارمەتیدەرن لە چارەسەری هەوكردنی جومگەكان و ڕۆڵی سەرەكی دەبینین لە كەمكردنەوەی نیشانەكانی نەخۆشیەكە، ئەوانیش بریتیین لە:
1- ماسی: سەلەمون، تونە، سەردین و ماكریل دەوڵەمەندن بە ماددەی ئۆمیگا سێ و دەبنە هۆی كەمكردنەوەی ئەو پرۆتینانەی دەبنەی هۆی هەوكردن و وشكردنەوەی جومگەكان.
2- فاسۆلیا : یەكێكە لەو خۆراكانەی دەوڵەمەندە بە ڕیشاڵەكان و پرۆتین و یارمەتیدەرە لە كەمكردنەوەی هەوكردن و پشتیوانی تەندروستی دڵ و سەقامگیربوونی ڕێژەی شەكر لەناو خوێن دەكات.
3- چەرەسات و تۆوەكان: بادەم و گوێز و فستق و تۆی كەتان و تۆی شیبا سەرچاوەی چەوری تەندروست و ماددەی ئۆمیگا 3 و كانزاكانن و پشتیوانی بەهێزبوونی ئێسكەكان دەكەن و دەبنە هۆی كەمكردنەوەی هەوكردن.
4- میوە و سەوزەوات: شیلك و توو ماددەی دژە ئۆكسانیان تێدایە و دەبنە هۆی چاكبوونەوەی خانە تێكچووەكان و سەوزەواتی وەك سپێناغ و برۆكلی دەوڵەمەندن بە ڤیتامین كەی و كالیسیۆم و پرتەقاڵ و لیمۆ دەوڵەمەندن بە ڤیتامین سی.
5- زەنجەبیل و سیر: ماددەی سروشتی دژە هەوكردنیان تێدایە و دەبنە هۆی كەمكردنەوەی ئازاری جومگەكان.
6- دانەوێڵەكان: برنجی بۆر و شۆفان و كینوا ئاستی سی پی ئاڕ كەمدەكەنەوە و پارێزگاری لە سەقامگیری ڕێژەی شەكری ناو خوێن دەكەن.
7- زەیتی زەیتوتی نوێ: دەوڵەمەندە بە ماددەی دژە ئۆكسان و پێكهاتەی ئاولیوكانسال كە هاوشێوەی هەندێك دەرمانی ئازار شكێن كاردەكات.
8- چای سەوز: ماددەی بولوفینۆلاتی تێدایە كە جومگەكان دەپارێزێت لە داخوران و یارمەتیدەرە بۆ مانەوەیان بەنەرمی.
