هەرچەندە دوێنێ بەهای بەرمیلێک نەوت کەمێک بەرزبوونەوەی بەخۆوەبینی، بەڵام هێشتا لە ئاستی هەفتانەدا نەوت بەردەوامە لە دابەزین.
ئەمڕۆ شەممە، هەر بەرمیلێک نەوتی خاوی برێنت بە 61 دۆلار 33 سەنت، مامەڵەی پێوەدەکرێت، هاوکات نرخی بەرمیلێک نەوتی خاوی رۆژئاوای تەکساسیش، بە 57 دۆلار و 54 سەنت، مامەڵەی پێوەدەکرێت.
بەپێی پێگەی ئینڤێستینگی ئەمریکی، بەهای بەرمیلێک نەوت بۆ سێیەم هەفتە لەسەریەک بەردەوامە لە دابەزین، نادڵنیایی بازرگانان لە پێشبینییەکانیان بۆ بڕی خستنەڕووی نەوت لەلایەن ئۆپێکەوە بۆ رۆژانی داهاتوو، یەکێکە لە هۆکارە سەرەکییەکان، هۆکارێکی دیکەی ئەم ناجێگیرییە لە نرخی نەوتدا کۆبوونەوەی داهاتووی نێوان دۆناڵد ترەمپ، سەرۆکی ئەمریکا و ڤـ.ـلادیمێر پـ.ـوتن، سەرۆکی روسـ.ـیایە، ناڕوونی دەرئەنجامی ئەو کۆبوونەوە هۆکارێکی دیکەی سەرەکییە بۆ ناجێگیریی لە بەهای نەوتدا.
