دۆناڵد ترەمپ، سەرۆکی ئەمریکا رایگەیاند، لە ماوەی ئایندەدا، لەگەڵ ڤلادیمێر پوتن، سەرۆکی روسیا لە هەنگاریا کۆدەبێتەوە.
دۆناڵد ترەمپ لە پۆستێکدا لە Truth Socialـی تایبەتی خۆی نووسیویەتی، من و سەرۆک پوتن لە بوداپێست-ی پایتەختی هەنگاریا کۆدەبینەوە و باس لە شەڕی روسیا و ئۆکرانیا دەکەین.
ئاماژەی بەوەشکرد، دەمانەوێت بزانین کە ئایا دەتوانین ئەم شەڕە کۆتایی پێبهێنین؟ لەگەڵ ئەمەشدا، چەند بابەتێکی دیکە تاوتوێدەکەین.
ئەوەشی خستەڕوو، ئەمڕۆ خۆی و پوتن پەیوەندییەکی تەلەفۆنییان ئەنجامداوە و وەک خۆی نووسیویەتی، “پێشکەوتنی گەورە” لە پەیوەندییەکەدا هەبووە.
