جارێكی تر لە عێراقەوە ژمارەیەك پێگەی ئەلیكترۆنیی ئیسرائیل هاككرا.
بەپێی هەواڵی میدیا عێراقییەكان ئەمڕۆ لە خاكی عێراقەوە سێیەم هێرشی سایبەری كراوەتە سەر پێگەكانی ئیسرائیل و ئەمجارە ئاژانسەکانی میدیا و کۆمپانیایەکی گەشەپێدانی بەرنامەکانی گرتووەتەوە.
پێشتریش ماڵپەڕی شاری قودس “ئۆرشەلیم” و سیستمی باجدانی شارەكە و كۆمپانیای ڕافایلی سەربازی كە تایبەتە بە دروستكردنی كڵاوەی ئاسنین و سەر بە وەزارەتی بەرگریی ئیسرائیلە، ڕووبەڕووی شەپۆلێكی هاككردن بوونەوە.
ڕۆژی 11ی ئەم مانگەش ژمارەیەك هاككەر ماڵپەڕی شارەوانیی تەلئەبیب-یان هاككرد و میدیای ئیسرائیلی وتی، ژمارەیەك هاككەری عێراقیی سەر بە ئێران بەرپرسیارێتیی خۆیان لە هێرشكردنەسەر ماڵپەڕەكە و دزەكردنە ناویەوە ڕاگەیاندووە.
