بەڕێوەبەرایەتیی کەشناسیی هەرێم پێشبینییەکانی کەشوهەوای ئەمڕۆ و سبەینێی راگەیاند و ئاشکرایکرد، ئەگەری خۆڵبارین هەیە.
بەڕێوەبەرایەتیی کەشناسی و بومەلەرزەزانیی هەرێم بڵاویکردەوە، ئەمڕۆ دووشەممە کەش پەڵەهەور دەبێت و لە ناوچە شاخاوییەکان بۆ نیمچە هەور دەگۆڕێت، لەگەڵ زیادبوونى خێراى بۆ سەرووى (20)کم لە کاتژمێرێکدا.
ئاماژەی بەوەشکرد، هەندێک کات لە ئەنجامى زیادبوونى خێراى با ئەگەرى بەرزبوونەوەى تۆز و خۆڵ هەیە لە هەندێک ناوچەى سنوورى پارێزگاى هەولێر و پارێزگاى کەرکوک و بەشێک لە ئیدارەى گەرمیان.
ئاشکراشیکرد، سبەینێ سێشەممە ئاسمان ساماڵ دەبێت، پلەی گەرمی نزیکدەبێتەوە لە تۆمارکراوەکانی ئەمڕۆ.
