كەمێك لەمەوبەر، كچێك لە شاری نەجەف بەهۆی خۆڵبارینی چڕەوە مرد.
بەڕێوبەرایەتیی گشتیی تەندروستیی نەجەف لە ڕاگەیەندراوێكدا ئاشكرایكرد، “كچێكی تەمەن 7 ساڵ، بەهۆی خۆڵبارینەكەی ئەمشەوەوە گیانی لەدەستداوە.”
ڕوونیشیكردەوە، “كچەكە پێشتر دڵی كۆن بووە و كێشەی تەنگەنەفەسی هەبووە، خۆڵبارینەكەی ئەمشەو دۆخی تەندروستیی زیاتر تێكداوە و توشی تەنگەنەفەسی كردووە، سەرئەنجام گیانی لەدەستداوە.”
بە گوێرەی ڕاگەیەندراوەكە، ئەمشەو دەیان كەس لە نەجەف بەهۆی خۆڵبارینەوە توشی تەنگەنەفەسی بوون و ڕەوانەی نەخۆشخانەی گشتیی شارەكە كراون.
خۆڵبارینە چڕەكەی نەجەف لەكاتێكدایە، شەپۆلێكی بەرفر و بارانبارین هەرێمی كوردستانی گرتووەتەوە.
