د. نەرمین مەعروف ئەندامی لیژنەی دارایی لە ئەنجومەنی نوێنەرانی عێراق رایگەیاند، ئەو پارەیەی عێراق بۆ مووچەی هەرێم ناردوویەتی کەمترە لەو بڕەی بڕیاری تەرخانکردنی دراوە.
د. نەرمین مەعروف رایگەیاند، بەپێی داتاکانی وەزارەتی دارایی فیدڕاڵ تا کۆتایی مانگی 12 ی 2024 لەکۆی زیاتر لە 89 تریلیۆن و 743 ملیار و 203 ملیۆن دینار بۆ مووچە لە عێراق نزیکەی 10 تریلیۆن و 738 ملیار و 629 ملیۆن دینار بۆ تەمویلی مووچەخۆرانی هەرێم خەرجکراوە کە دەکاتە رێژەی %11.96 کۆی خەرجکراو بۆ مووچەی عێراق و 6.86% کۆی خەرجکراوی کرداری بودجە کە نزیکەی 156 تریلیۆن و 510 ملیار دینار بووە.
ئاشکراشیکرد، بڕی تەمویلکراو بۆ مووچەی هەرێم لەساڵی 2024 کەمترە لە کۆی تەرخانکراو بۆ مووچەی هەرێم لە بودجەی 2024 کە بە 11 تریلیۆن و 576 ملیار و 521 ملیۆن 335 هەزار دینار خەمڵێنرابوو لە کۆی زیاتر لە 95 تریلیۆن دینار تەرخانکراوی بودجە بۆ مووچەی هەموو موچەخۆرانی عێراق لە ساڵی 2024 دا.
