ئاسۆ مامەند ئەندامی مەکتەبی سیاسیی یەکێتی داوا لە سەرجەم چین و توێژەکانی شاری کەرکوک دەکات، لەکاتی بەڕێوەچوونی هەڵمەتی بانگەشەی هەڵبژاردن خۆیان بەدووربگرن لە هەر هەڵسوکەوتێک کە ببێتە مایەی توندوتیژی
ئاسۆ مامەند ئەندامی مەکتەبی سیاسیی یەکێتیی نیشتمانی کوردستان لە پەیامێکدا رایگەیاند، سوپاس و پێزانینی خۆم ئاڕاستەی یەک بە یەکی جەماوەر و هەڤاڵانی یەکێتیی دەکەین لەگەڵ دەستپێکردنی بانگەشەی هەڵبژاردن پەرۆشانە و دڵسۆزانە پێشوازیان لە تیمەکانی بانگەشەی لیستی (٢٢٢)ی یەکێتیی نیشتمانیی کوردستان کرد و بوونە هاوکار و تەواوکەری تیمەکانمان.
داوایشیکرد، “خۆتان بەدوور بگرن لە هەر جۆرە هەڵسوکەوتێک کە ببێتە مایەی توندوتیژی و داخستنی شەقام و شوێنە گشتییەکان و لە بری ئەوە هاوکاری هێزە ئەمنییەکان بکەن تاوەکو بە هەموو لایەکمانەوە ئارامی و ئاسایشی پارێزگای کەرکوک بپارێزن”.
