11ی تشرینی یەکەمی هەموو ساڵێک، بە رۆژی جیهانیی منداڵی کچ دەستنیشانکراوە.
رێکخراوی نەتەوە یەکگرتووەکان کە رۆژەکەی دیاریکردووە، دەڵێت، لە سەرانسەری جیهاندا کچان هەوڵدەدەن بۆ ئەوەی بەرەوڕووی ئاڵنگاررییەکان ببنەوە، هەوڵ بۆ دادپەروەری دەدەن، بۆ کۆتاییهێنان بە توندوتیژی و فەراهەمکردنی داهاتوویەکی شایستە تێدەکۆشن.
دەشڵێت، بەڵام زۆرجار دەنگ و تێکۆشانەکانیان پشتگوێ دەخرێت، مافەکانیان پێشێلدەکرێت، لەکاتێکدا کچان تەنیا چاوەڕێی جیهانێکی باشتر نین، بەڵکو ئەوانن کە دروستیدەکەن.
