بەهۆی رووداوێکی هاتوچۆوە لەسەر رێگای ناحیەی ئاخجەلەر-گۆپتەپە، شۆفێرێکی تاکسی گیانیلەدەستدا.
بەڕێوەبەرایەتیی تەندروستیی چەمچەماڵ لە راگەیەندراوێکدا رایگەیاند، “کەمێک لەمەوبەر و پاش ئاگادارکردنەوەی یەکەی فریاکەوتنی خێرا لە بوونی رووداوێکی هاتووچۆ لەسەر رێگای ناحیەی ئاججەلەرــگۆپتەپە، دەستبەجێ تیمی تەندروستی و ئۆتۆمبێلی فریاکەوتنی مەڵبەندی تەندروستیی شەهید حەمە غفور ئاخجەلەری گەیشتنە شوێنی رووداوەکە”.
ئاماژەی بەوەشکرد، “رووداوەکە بەهۆی پێکدادانی چەند ئۆتۆمێلێکەوە بووە و شۆفێری ئۆتۆمبێلێکی تاکسی گیانیلەدەستداوە، هەروەها تیمەکەمان بەمەبەستی توێکاری و راپۆرتی پزیشکی تەرمەکەیان گواستەوە بۆ هۆبەی پزیشکیی دادی چەمچەماڵ”.
