وەزارەتی دارایی هەرێم رایگەیاند، تەمویلی مووچەی مانگی حەوت، خرایە سەر هەژماری بانکیی وەزارەتەکە.
وەزارەتی دارایی هەرێمی کوردستان لە راگەیەندراوێکدا بڵاویکردەوە، ئەمڕۆ سێشەممە، بڕی 956 ملیار و 928 ملیۆن دینار، وەک تەمویلی مووچەی مانگی حەوتی فەرمانبەران و مووچەخۆرانی هەرێمی کوردستان، خرایە سەر هەژماری بانکیی وەزارەتی دارایی و ئابوریی هەرێمی کوردستان، لە لقی هەولێری بانکی ناوەندیی عێراق.
بەپێی زانیارییەکان، بڕیارە تاوەکو کۆتایی ئەم هەفتەیە، مووچەی سەرجەم وەزارەتەکان دابەشبکرێت.
