نرخی زێڕی عەیارە 21 لە بازاڕەکانی هەرێمی کوردستان گەیشتە بەرزترین ئاست و نرخ لە مێژوودا.
ئەمڕۆ بەراورد بە کاتی داخستنی بازاڕەکان لە هەفتەی رابردوودا، نرخی زێڕ بەرزبوونەوەی بەخۆیەوە بینی و نرخی زێڕی عەیارە 21 لە بازاڕەکانی هەرێم گەیشتە 752 هەزار دینار، هاوکات لە بازاڕەکانی جیهان نرخی ئۆنسەیەک زێڕ 36 دۆلار چووەسەری و گەیشتە 3722 دۆلار.
شارەزایانی بازاڕە داراییەکان پێشبینیدەکەن نرخی زێڕ لە ئەمساڵدا بەردەمبێت لە بەرزبوونەوە، پێشبینییەکانیان بەو ئاڕاستەیەدا دەڕوات کە تاوەکو کۆتایی ساڵی 2026 نرخی ئۆنسەیەک زێڕ بگاتە 4000 دۆلار.
