وەزیری شارەوانیی هەرێم رایگەیاند، “تائێستا فەرمانی پێدانی زەوی بۆ زیاتر لە 240 هەزار فەرمانبەر دەرچووە”.
ساسان عەونی، وەزیری شارەوانی و گەشتوگوزاری هەرێم، رایگەیاند، “تائێستا فەرمانی پێدانی زەوی بۆ زیاتر لە 240 هەزار فەرمانبەر دەرچووە و ئێستاش پرۆسەی كاركردن بۆ پێدانی زەوی بە فەرمانبەران لەلایەن لیژنەیەكی تایبەتمەندیی وەزارەتی شارەوانی و گەشتوگوزارەوە بە رێكوپێكی بەڕێوەدەچێت و پرۆسەكە بەردەوامە.
لەبارەی پرۆسەی دابەشكردنی زەوی بەسەر فەرمانبەرانی ئەو وەزارەتانەی لیستەكانیان تەواونەكردبوو، وەزیری شارەوانی دەڵێت، “ئێستا لە وەزارەتی شارەوانی و گەشتوگوزار لیژنەیەكی تایبەتمەند كار لەسەر ئەو پرۆسەیە دەكات و سەردانی ئەو وەزارەتانەیان كردووە و هاوكاریان بوون بۆ ئامادەكردنی لیستەكانیان”.
