ئەندامێکی ئەنجومەنی نوێنەرانی عێراق رایدەگەیەنێت، تاوەکو ئێستا هیچ کەسێک و تەنانەت تەیف سامییش نازانێت کەی مووچەی مانگی حەوتی مووچەخۆران دەنێردرێت.
شوان محەمەد، ئەندامی ئەنجومەنی نوێنەرانی عێراق رایگەیاند، کەس ناتوانێت پێشبینی بکات ئایا لە کۆبوونەوەی سێشەممەی ئەنجومەنی وەزیرانی عێراقدا یان پاش تەواوبوونی کۆبوونەوەی ئەنجومەنی دەوڵەت، بڕیار لە ناردنی مووچە دەدرێت.
وتیشی، هەموو ئاراستەکان بۆ ئەوەن، کە بابەتی مووچە چارەسەربێت و هەردوولا بگەنە رێککەوتن، کە تاوەکو کۆتایی ئەمساڵ هەموو مووچەکان بنێردرێن.
