وهزارهتی پێشمهرگهی ههرێمی كوردستان ڕایگهیاند، داعش پهلاماری خاڵێكی فهوجی 2ی هێزهكانی پێشمهرگهی داوە له سنووری میحوهری پردێ-دوبز، بەڵام هیچ زیانێك به پێشمهرگه نهگهیشتووه.
لهڕاگهیهندراوێكدا وهزارهتی پێشمهرگه ئاماژەی بەوەكردووە، “كاتژمێر 10:30 خولهكی شەوی ڕابردوو تیرۆریستانی داعش پهلاماری خاڵێكی فهوجی 2ی لیوای 10ی پیادهیان دا له سنووری میحوهری پردێ- دوبز، بەڵام پێشمهرگه ئازاكانمان بهخێرایی لێیان هاتنهدهست و ڕاویاننان، خۆشبهختانهش هیچ زیانێك به پێشمهرگه نهگهیشتووه”.
وەزارەتی پێشمەرگە نیگەرانە لەوەی “ئهمه بۆ چهندینجاره داعش بۆشایی نێوان هێزی پێشمهرگه و سوپای عێراقی دهقۆزێتهوه بۆ پهلاماردانی هێزهكانی پێشمهرگه”.
لەچەند ڕۆژی ڕابردووش چهكدارانی داعش هێرشیانكرده سهر هەمان فەوج له ناوچهی زورگهزراو له میحوهری پردێ، بههۆیهوه دوو پێشمهرگه شههید بوون.
