ئەمڕۆ ئەنجومەنی دەوڵەت کۆدەبێتەوە و بۆچوونی خۆی لەبارەی داهاتی نانەوتی ئاشکرادەکات.
بەپێی زانیارییەکانی تۆڕی میدیایی ئێستا، ئەمڕۆ پێش دەستپێکردنی کۆبوونەوەی ئەنجومەنی وەزیران ئەنجومەنی دەوڵەت بە ئامادەبوونی دوو نوێنەری حکومەتی هەرێم و دوو نوێنەری حکومەتی فیدراڵ کۆدەبێتەوە و گفتوگۆ لەبارەی پرسی داهاتی نانەوتی دەکەن.
هەر بەپێی زانیارییەکان، ئەگەر لە کۆبوونەوەکەدا ئەنجومەنەکە سەبارەت بە داهاتی نانەوتی بگاتە ئەنجامێک رای خۆی رادەگەیەنێت و رەوانەی ئەنجومەنی وەزیرانی عێراقی دەکات.
