بافڵ جەلال تاڵەبانی، سەرۆکی یەکێتیی نیشتمانیی کوردستان لە سلێمانی سەردانی هەڤاڵی تێکۆشەر حامید حاجی غالی کرد.
لەو سەردانەدا، کە پۆلو شاڵاو عەلی عەسکەری، لێپرسراوی هەواڵگریی هێزەکانی 70ـی پێشمەرگە ئامادەیبوو، سەرۆک بافڵ بە پێزانینەوە باسی لە رۆڵ و مێژووی پڕ شانازی هەڤاڵ حامید حاجی غالی کرد، وەک یەکێک لە پێشمەرگە سەرەتاییەکانی شۆڕشی نوێ و سەرکردەیەکی دیاری یەکێتیی نیشتمانیی کوردستان.
وتیشی، ئێمە بە شوێن هەنگاوەکانی سەرکردە و تێکۆشەرە دێرینەکانماندا دەڕۆین و وەفاداریشین بەرامبەر ئەو قوربانییە گەورانەی لەپێناو گەلەکەمان داویانە.
لای خۆشیەوە، هەڤاڵ حامید حاجی غالی سوپاسی بافڵ جەلال تاڵەبانی کرد و جەختی لە درێژەپێدانی سیاسەتی سەرۆک مام جەلال بە سەرۆکایەتیی سەرۆک بافڵ کردەوە.
