رێکخراوی نەتەوە یەکگرتووەکان رۆژی 8ی ئەیلولی بە رۆژی جیهانیی خوێندەواری دەستنیشانکردووە.
لە ساڵی 1967ەوە ساڵانە لە سەرانسەری جیهاندا بەبۆنەی ئەم رۆژەوە چالاکیی جۆراوجۆر بەڕێوەدەچێت.
ئامانج لەم رۆژە بیرهێنانەوەی گرنگیی خوێندەوارییە بۆ دروستکردنی کۆمەڵگەیەکی دادپەروەرانەتر، ئاشتیخوازانەتر و خوێندەوارتر.
توانای خوێندنەوە و نووسین مافێکی بنەڕەتیی مرۆڤە بۆ هەمووان و رێگە بە بەدیهێنانی مافەکانی دیکەی مرۆڤ و ئازادییە گەورەکان و هاووڵاتیبوونی جیهانیی دەدات.
