بەڕێوەبەرایەتیی هاتوچۆی سلێمانی رایدەگەیەنێت، بەهۆی بەڕێوەچوونی فێستیڤاڵی دەروازەی سلێمانییەوە جموجۆڵی هاتوچۆ دروستبووە و تیمەکانیان تاوەکو ئێستا لە ئەرکدان.
بەڕێوەبەرایەتیی هاتوچۆی سلێمانی بڵاویکردەوە، تیمەکانمان لە ئەرکدان بۆ رێکخستنی ھاتوچۆی شۆفێران و گەشتیاران، کە لەئێستادا لە ناوچەی شارباژێڕ، سیتەک، تونێلی پێشڕەو و ھەواری شار بەهۆی فێستیڤاڵی (دەروازەی سلێمانی) کە بەڕێوەدەچێت، جموجۆڵی زۆری هاتوچۆ دروستبووە.
ئاماژەی بەوەشکرد، تیمەکانمان سەرقاڵی رێکخستنی رەوش و سیستمی ھاتوچۆن بەمەبەستی رێگریکردن لە دروستبوونی ئاستەنگی هاتوچۆ.
لە رۆژی 4ـی 9ـوە دووەمین فێستیڤاڵی (دەروازەی سلێمانی) دەستیپێکردووە و بڕیارە تاوەکو 11ـی 9، بەردەوامبێت.
