بەپێی ئامارەکانی دەستەی کەشناسیی عێراق، لە مانگی رابردوودا 62 بوومەلەرزە لە عێراق و هەرێم روویداوە.
دەستەی کەشناسیی عێراق رایگەیاند، لە مانگی رابردوودا 62 بوومەلەرزە لە عێراقدا روویداوە کە بەشێکییان شارەکانی هەرێمی کوردستانیشی گرتووەتەوە.
دەشڵێت، ئەو شارانەی کە بوومەلەرزەکانی تیادا رووداوە بریتین لە “سلێمانی، هەولێر، دهۆک، میسان، کەرکوک، دیالە، نەینەوا”.
ئاماژەی بەوەشداوە، پلەی رێختەری بوومەلەرزەکان بەگشتی لە نێوان یەک بۆ پێنج پلەدابوون.
