بەڕێوەبەرایەتیی دابەشکردنی کارەبای سلێمانی بڵاویکردەوە، سبەینێ بەهۆی گۆڕینی کێبڵی ژێرزەمینی گۆڕەری ژمارە 27، شەقامی مەولەوی بێکارەبا دەبێت.
بەڕێوەبەرایەتیی دابەشکردنی کارەبای سلێمانی ئاگاداری سەرجەم خاوەن دوکان و شوێنە بازرگانییەکانی سەر شەقامی مەولەوی دەکاتەوە، سبەینێ هەینی، لە کاتژمێر 9ـی شەو تاوەکو کاتژمێر 12ـی نیوەڕۆی رۆژی شەممە، کارەبای نیشتمانی لە شەقامەکە نابێت.
ئاماژەی بەوەشکرد، هۆکاری نەبوونی کارەبای نیشتمانی لەو چەند کاتژمێرەدا، بەهۆی گۆڕینی کێبڵی ژێرزەمینی گۆڕەری ژمارە 27ـی شەقامی مەولەوییە، کە سەر بە فیدەری 301ـە.
