سەرچاوەیەک لە وەزارەتی دارایی و ئابوریی هەرێم رایگەیاند، سبەی پێنجشەممە، بڕی 120 ملیار دیناری داهاتی نانەوتیی مانگی شەش رادەستی بەغداد دەکەین.
ئەو سەرچاوەیە بە تۆڕی میدیایی ئێستای راگەیاند، سەرجەم رێکارەکانی رادەستکردنی 120 ملیار دینارەکە تەواو بووە و ئامادەن بۆ رادەستکردن.
ئاماژەی بەوەشکرد، ئەوەی دەمێنێتەوە ئەوەیە، کە پاش رادەستکردنی ئەو بڕە پارەیە، بەغداد دەستبکات بە خەرجکردنی مووچەی مانگی شەشی مووچەخۆرانی هەرێم.
