بە تۆمەتی راوکردنی ماسی لە رێگای ژەهر و تۆڕی وردەوە حەوت راوچی لە سنووری ماوەت دەستگیرکران.
بەڕێوەبەرایەتیی پۆلیسی دارستان و ژینگەی سلێمانی بڵاویکردەوە، مەفرەزەکانمان لە دوو چالاکی جیاوازدا لە سنووری گوندی بەزەڕوو توانیان حەوت راوچی دەستگیربکەن کە سەرقاڵی راوکردنی ماسی بوون بە ژەهر و تۆڕی ورد کە رێگاپێنەدراون.
ئاماژەی بەوەشکرد، دەستبەسەر سەرجەم کەرەستەکانی راوکردندا گیران کە بە راوچییەکان بوون لەگەڵ ئۆتۆمبێلێکیشدا.
جەختیشیکردەوە، پەڕاوی لێکۆڵینەوە بۆ تۆمەتبارەکان کراوەتەوە، بەمەبەستی وەرگرتنی رێککاری یاسایی.
