ئاژانسی رۆیتەرز بە پشتبەستن بە چەند بەرپرسێکی حکومەتی هیندستان ئاشکرایکرد، نیودەلهی کڕینی چەک و فڕۆکەی نوێی ئەمریکیی هەڵپەسارد.
ئاژانسەکە لە زاری ئەو بەرپرسانەوە بڵاویکردەوە، راجنات سینگ، وەزیری بەرگریی هیندستان پلانی هەبووە لە چەند هەفتەی داهاتوودا، گەشت بۆ واشنتن بکات بۆ راگەیاندنی رێککەوتنی نوێی چەک، بەڵام گەشتەکە هەڵوەشایەوە و لەئێستادا، هیندستان کڕینی چەک و فڕۆکەی ئەمریکیی هەڵپەساردووە.
رۆژی 6ـی ئاب، دۆناڵد ترەمپ، سەرۆکی ئەمریکا باجی زیادەی 25%ـی بەسەر هاوردەکردنی کاڵاکانی هیندستاندا سەپاند، وەک سزایەک بۆ بەردەوامیی کڕینی نەوتی رووسیا لەلایەن نیودەلهییەوە، بەمەش باج لەسەر هەناردەکردنی نەوتی رووسیا بۆ ئەمریکا، گەیشتە 50%؛ ئەمەش یەکێکە لە بەرزترین رێژەکانی باج لە مێژوودا کە بەسەر هەر هاوبەشێکی بازرگانیی ئەمریکادا سەپێنراوە.
