بەپێی هەواڵی میدیاکانی یۆنان، تا ئێستا تەرمی 19 کۆچبەر لە کۆی 22 کۆچبەر كە لە سنووری نێوان ئەو وڵاتە و تورکیادا ڕەقبوونەوە، دۆزراونەتەوە.
ڕۆژی چوارشەممە کۆمەڵێک کۆچبەر لە سنووری تورکیا و یۆنان ڕەقبوونەوە، پێشبینیدەکرێت 22 کۆچبەربن و دوێنێ تەرمی 12 کەسیان دۆزرانەوە، ئەمڕۆش تەرمی 7 کۆچبەری دیکە دۆزراونەتەوە.
ئەوەی لە ڕووداوەکەدا مایەی سەرنجدانە، کۆچبەران کەمترین پاڵتۆ و جلی خۆپاراستن لە سەرمایان لەبەردابووە، ئەمەش شەڕی نێوان تورکیا و یۆنانی گەرمترکردووە و یەکدی بە کەمتەرخەمیكردن لە ڕووداوەکەدا تۆمەتباردەكەن.
تورکیا دەڵێت، کۆچبەرەکان چوونەتە سنووری یۆنان و هێزە ئەمنییەکانی یۆنان جلەکانیان لەبەر داکەندوون و دیپۆرتیان کردوونەتەوە، یۆنانیش دەڵێت ئەو کۆچبەرانە هەر لە سنووری تورکیا ڕەقبوونەتەوە.
