وەزارەتی تەندروستیی ئیسپانیا رایدەگەیەنێت، بەهۆی ئەو گەرما بەتینەی وڵاتەکەی گرتووەتەوە، تاوەکو ئێستا هەزار و 60 کەس گیانیان لەدەستداوە.
وەزارەتی تەندروستیی ئیسپانیا بڵاویکردەوە، لە مانگی تەمموزی ساڵی رابردوو، 674 کەس بەهۆی گەرماوە لەو وڵاتە گیانیان لەدەستداوە، بەڵام ئەمساڵ ئەو رێژەیە بەرزبووەتەوە و لە مانگی تەمموزدا، هەزار و 60 کەس بەو هۆکارە گیانیان لەدەستداوە.
لای خۆیەوە، مۆنیکا گارسیا مارکێز، وەزیری تەندروستیی ئیسپانیا رایگەیاند، هەڵمەتی هۆشیارکردنەوەی هاوڵاتییانیان لەبارەی مەترسییەکانی گەرما چڕترکردووەتەوە.
