وتەبێژی بەڕێوەبەرایەتیی پۆلیسی پارێزگای هەڵەبجە رایدەگەیەنێت، هاوڵاتییەك بەهۆی تەزووی كارەباوە گیانیلەدەستدا.
رائید ئاكان قوتبەتین وتەبێژی بەڕێوەبەرایەتیی پۆلیسی پارێزگای هەڵەبجە رایگەیاند، كاتژمێر 9ی ئەمشەو هاوڵاتییەكی تەمەن 38 ساڵ كە پیشەی پێشمەرگەبووە لەكاتی پاككردنەوەی حەوزی ئاودا بە ئامێری غەسل و بەهۆی تەزووی كارەباوە گیانیلەدەستدا.
وتیشی، “پەڕاوی لێكۆڵینەوە لە بنكەی پۆلیسی سیروان بۆ رێكخراوە”.
