بنیامین ناتانیاهۆ سەرۆك وەزیرانی ئیسرائیل رایگەیاند، لەگەڵ جولیان لیریسۆن سەرۆكی وەفدی لیژنەی نێودەوڵەتیی خاچی سوور لە ئیسرائیل و ناوچە داگیركراوەكان گفتوگۆی كردووە و داوای لێكردووە، بەشداربن لە گەیاندنی هاوكارییەكان بە بارمتەكان لە كەرتی غەززە.
وتیشی، “دەنگۆ ناڕاستەكانی حەماس لەبارەی برسیكردنی غەززە دەنگدانەوەی جیهانی لێكەوتووەتەوە، لەكاتێكدا ئەو گروپە چەكدارە بە بەرنامە بارمتەكانی غەززە برسی دەكەن”.
لە بەرامبەریشدا كەتائیبی قەسام باڵی سەربازیی حەماس رایگەیاند، ئامادەن ئەرێنییانە مامەڵە لەگەڵ هەر داواكارییەكی خاچی سوور بۆ گەیاندنی هاوكاریی مرۆیی بە بارمتەكان بكەن.
