بەڕێوەبەری گشتیی دیوانی وەزارەتی کارەبا رایگەیاند، زیاتر لە 253 ملیۆن دۆلار بۆ پرۆژەی زیرەکی کارەبا تەرخانکراوە.
ئەردەڵان دۆسکی، بەڕێوەبەری گشتیی دیوانی وەزارەتی کارەبای هەرێم، رایگەیاند، زیاتر لە دوو ملیۆن و 700 هەزار هاوڵاتیی هەرێم کارەبای 24 کاتژمێرییان پێگەیشتووە کە دەکاتە نزیکەی 40%ی دانیشتووان.
وتیشی، “زیاتر لە 253 ملیۆن دۆلار بۆ پرۆژەی زیرەکی کارەبا تەرخانکراوە”.
باسی لەوەشکرد، زیاتر لە شەش مانگ تیمێکی وەزارەت هەڵسەنگاندنیان بۆ نرخی پرۆژەی رووناکی کرد، گەیشتینە ئەو دەرئەنجامەی کە نرخەکە لە قازانجی هاوڵاتییانە بەو پێیەی پێشتر هاوڵاتییان دووجار پارەیان دەدا بە کارەبا (نیشتمانی و مۆلیدە)، بەڵام لە کارەبای 24 کاتژمێریدا تەنها یەکجار پارە دەدەن.
