دابەشكردنی نەوتی سپی گەیشتە ناو شاری سلێمانی و بەڕێوەبەرایەتیی نەوت و كانزاكان دەڵێت، دابەشكردنەكە بەردەوام دەبێت.
دوای ئەوەی بەڕێوەبەرایەتیی نەوت و كانزاكانی سلێمانی رایگەیاند، رۆژی شەممە 28ی تشرینی یەكەم نەوتی سپی لەناو شاری سلێمانی لە بنکەکانی 7 و 8 دابەشدەکرێت، ئەمڕۆ دابەشكردنەكە دەستیپێكرد.
بەپێی بڕیاری وەزارەتی سامانە سروشتییەكان، بڕی نەوتەكە 200 لیترە كە بە نرخی 100 هەزار دینار و بە كارتی زیرەك بەسەر خێزانەكاندا دابەشدەكرێت.
