دوای هەڵبژاردنی وەک پارێزگاری بەغداد مەرسومی کۆماری بۆ عەتوان عەتوانی دەرکرا و دەستبەکاربوو.
بەپێی نووسراوێکی سەرۆکایەتیی کۆماری عێراق، ئەمڕۆ مەرسومی کۆماری بۆ دەستبەکاربوونی عەتوان عەتوانی پارێزگاری نوێی بەغداد دەرکرا.
عەتوان عەتوانی، پێشتر ئەندامی ئەنجومەنی نوێنەرانی عێراق بوو، سەرۆکی لیژنەی دارایی ئەنجومەنەکە بوو، دوای خانەنشینبوونی عەبدولمتەلیب عەلەوی پارێزگاری بەغداد بەهێزترین کاندید بوو بۆ شوێنگرتنەوەی.
رۆژی یەکشەممە، لە ئەنجومەنی پارێزگا، عەتوان عەتوانی وەک پارێزگاری نوێی بەغداد هەڵبژێردرا.
