ئەندامێكی ئەنجومەنی نوێنەرانی عێراق رایدەگەیەنێت، ئەگەر هیچ كێشەیەك دروستنەبێت حكومەتی عێراق لە ماوەیەكی نزیكدا مووچەی مانگی شەش بۆ هەرێم دەنێرێت.
سروە محەمەد، ئەندامی ئەنجومەنی نوێنەرانی عێراق بە میدیای رەسمیی یەكێتی راگەیاند، وەزارەتی دارایی عێراق وردبینی بۆ لیستی مووچەی مانگی شەشی مووچەخۆرانی هەرێمی كوردستان دەكات و ئەگەر هیچ گرفتێكی تەكنیكی و سیاسی نەیەتە پێشەوە و هەرێم و بەغداد پابەندی لێكتێگەیشتنی نێوانیان بن ئەوا لە ماوەیەكی نزیكدا بەغداد مووچەی مانگی شەش رەوانەی هەرێمی كوردستان دەكات”.
جێی ئاماژە بۆ كردنە، رۆژی پێنجشەممەی رابردوو بەغداد پارەی تەرخانكراوی بۆ مووچەی مانگی پێنج بۆ هەرێم نارد و دەستكرا بە دابەشكردنی مووچە و بڕیارە سبەی كۆتایی بە دابەشكردنی مووچەی مانگی پێنج بهێنرێت.
