بەڕێوەبەرایەتیی چاککردنەوە و پاراستنی رێگاوبانی سۆران رایدەگەیەنێت، بۆ ماوەی یەک رۆژ، رێگای نێوان (سۆران – چۆمان) دادەخرێت.
لە ئاگادارییەکی بەڕێوەبەرایەتیی چاککردنەوە و پاراستنی رێگاوبانی سۆران کە وێنەیەکی دەست تۆڕی میدیایی ئێستا کەوتووە، هاتووە، بۆ ماوەی یەک روژ، لە 27ـی 7ـی 2025، بەهۆی قیرتاوكردنی بەشێكی رێگای (سۆران – چۆمان) لە نزیك گوندی ئۆمەراوە، رێڕەوی هاتن لە (چۆمان) بۆ (سۆران) لە كاتژمێر 7ـی بەیانی تاوەكو كاتژمێر 10ـی شەو بۆ هەموو جۆرە ئۆتۆمبێلێك دادەخرێت.
دەشڵێت، هاوڵاتییان دەتوانن رێگای (رهزان – كانیەزیل – دارولسەلام) بەكاربێنن و رێڕەوی چوون لە (سۆران) بۆ (چۆمان)، كراوە دەبێت.
داواش لە هاوڵاتییان و شۆفێران دەکات، هاوكاریی تیمەكانی بەڕێوەبەرایەتیی چاککردنەوە و پاراستنی رێگاوبانی سۆران و تیمەكانی پۆلیسی هاتوچوی چۆمان بكەن.
