ئێوارەی ئەمڕۆ، لە قەزای خەبات بەهۆی کەمیی کارەبا و نەبوونی ئاوەوە، خۆپیشاندان دەستیپێکرد.
پەیامنێری تۆڕی میدیایی ئێستا گواستییەوە، لەئێستادا خۆپیشاندەران رێگای سەرەکیی قەزای خەباتیان لەسەر (پردی کۆنی خەبات) داخستووە و رێگا بە تێپەڕبوونی هیچ بارهەڵگرێک نادەن.
چەند دانیشتوویەکی ئەو قەزایە قسەیان بۆ تۆڕی میدیایی ئێستا کردووە و دەڵێن، “بەهۆی کەمیی پێدانی کاتژمێرەکانی کارەبا و نەبوونی ئاوەوە، گردبووینەتەوە؛ پلەی گەرمی 50ـیە و لەبەر گەرما و بێکارەبایی، نازانین لەکوێ دابنیشین”.
