ئەمڕۆ تەیف سامی، وەزیری دارایی عێراق لە ئەنجومەنی نوێنەران دەبێت و رووبەڕووی سێ دۆسیە دەبێتەوە.
بەپێی نووسراوێک کە واژووی عەتوان عەتوانی، سەرۆکی لیژنەی دارایی ئەنجومەنی نوێنەرانی لەسەرە، ئەمڕۆ تەیف سامی لە ئەنجومەنی نوێنەران، بەشداریی کۆبوونەوەی لیژنەکە دەکات و لەبارەی سێ دۆسیەوە کە پەیوەندییان بە ژیان و گوزەرانی هاوڵاتییان و داهاتووی ئابوریی عێراقەوە هەیە، پرسیاری ئاراستەدەکرێت.
هەربەپێی نووسراوەکە، دۆسیەکان بریتین لە (هەڵسەنگاندنی بەرنامەی کاری حکومی، جێبەجێکردنی بودجە و چاودێریکردنی، ئامادەکردنی خشتەی بودجەی ساڵی 2025).
