پارێزگاری هەڵەبجە بە وەكالەت رایدەگەیەنێت، بەردەوام لەسەر هێڵین و هیوادارین ئەمشەو رێژەی یاسایی تەواوبكرێت و دەنگ لەسەر بەپارێزگابوونی هەڵەبجە لە ئەنجومەنی نوێنەرانی عێراق بدرێت.
نوخشە ناسیح، پارێزگاری هەڵەبجە بە وەكالەت رایگەیاند، هەوڵەكان بۆ بە پارێزگابوونی هەڵەبجە بووە بە هەوڵێكی نیشتمانی و ئومێدەوارین ئەمشەو رێژەی یاسایی تەواوبێت و دەنگ لەسەر بە پارێزگابوونی هەڵەبجە بدرێت.
پارێزگاری هەڵەبجە بە وەكالەت جەختیكردەوە و وتیشی، “ئینشائەڵا جەژنەكەمان دەبێتە دوو جەژن و دەنگ بە پارێزگابوونی هەڵەبجە دەدرێت”.
