لەسنووری کەرکوک کرێکارێک لەکاتی کارکردن برینداربوو.
پەیامنێری تۆڕی میدیایی ئێستا گواستییەوە، ئەمڕۆ شەممە لە گوندی شەلالەی سەر بە قەزای حەویجە لە سنووری پارێزگای كەركوك، سەبی مزگەوتێک لەکاتی چیمەنتۆتێکردنی سەقفەکەی داڕما و کرێکارێک برینداربوو.
وتیشی، داڕمانی سەبەکە بەهۆی ئەوەبووە کە تایەی ئۆتۆمبێلی پەمپەکە تەقیوە کە چەمەنتۆ دەڕژێنێت، بەهۆیەوە لولەکەی بە چواردەوری خۆیدا سووڕاوەتەوە و سەقفی مزگەوتەکە رووخاوە.
باسی لەوەشکرد، کرێکارە بریندارەکە دەستبەجێ گەیەندراوەتە نەخۆشخانە و لەژێر چاودێریی پزیشکیدایە.
