ماوەی چەند رۆژێکە شەپۆلێکی بارانی بەخوڕ بەشێک لە ناوچەکانی پاکستانی گرتووەتەوە و تا ئێستا 170 کەس گیانیان لەدەستداوە.
میدیاکانی پاکستان بڵاویانکردەوە، بەهۆی ئەو بارانەی ماوەی چەند رۆژێکە پاکستانی گرتووەتەوە تەنها لە 24 کاتژمێری رابردوودا لە هەرێمی بنجاب 54 کەس گیانیان لەدەستداوە، بەمەش کۆی گشتیی ئەو کەسانەی گیانیان لەدەستداوە بۆ 170 کەس بەرزبووەتەوە.
ئاشکراشیکرد، “لە هەندێک ناوچە باری نائاسایی راگەیەندراوە، لە ناوچەی روالباندی هێز بڵاوەیپێکراوە، هەڵمەتی رزگارکردنی هاوڵاتییانی ئەو ناوچانە بەردەوامن”.
