ئەندامێکی سەرکردایەتیی یەکێتیی نیشتمانیی کوردستان، رایگەیاند، سبەینێ پارەی مووچە بۆ هەرێم تەمویل دەکرێت.
لوقمان وەردی، ئەندامی سەرکردایەتیی یەکێتیی نیشتمانیی کوردستان رایگەیاند، “ئەمڕۆ ئەو لێکتێگەیشتنەی لە نێوان هەولێر و بەغدا هەبوو، لەلایەن ئەنجومەنی وەزیرانی هەرێمی کوردستان پەسندکرا و بە نووسراوی فەرمی بۆ بەغدا نێردراوەتەوە”.
وتیشی، “سبەی ئەنجومەنی وەزیرانی عێراق لەسەر پرسی مووچەی هەرێمی کوردستان کۆدەبێتەوە، ئەوانیش ئەو رێککەوتنە پەسند دەکەن، بڕیارە هەر سبەی شایستە داراییەکانی هەرێمی کوردستان تەمویل بکرێت”.
