دوای ئەوەی بە ماتۆڕسوارێک بە ماتۆڕسکیلەکەی هاوڵاتییەکی کرد بە ژێرەوە و هەڵات، لەلایەن باوکییەوە رادەستی پۆلیس کرا.
بەڕێوەبەرایەتیی پۆلیسی راپەڕین بڵاویکردەوە، دوێنێ ماتۆڕسکیلێک هاوڵاتیەکی کرد بە ژێرەوە و برینداری کرد، شۆفێری ماتۆڕسکیلەکە لە شوێنی رووداو هەڵات، دوای تۆمارکردنی سکاڵا لەلایەن کەسوکاری تاوانلێکراو دەستبەجێ ناسنامەی تۆمەتبار لە لایەن هێزەکانمان لە نوسینگەی نەهێشتنی تاوانی پشدەر ئاشکرا کرا.
ئاشکراشیکرد، دوای وەرگرتنی بڕیاری دادوەر مەفرەزەیەکی نوسینگەی نەهێشتنی تاوانی پشدەر چوونە ماڵی تۆمەتبارەکە بۆ دەستگیرکردنی، ئەمڕۆ شەممە لەلایەن باوکی رادەستی پۆلیس کرا و بە ماددەی 23 له یاسایی هاتووچۆ راگیرا و پەڕاوی لێکۆڵینەوەش بۆ رووداوەکە رێکخرا.
