نووسینگەی سەرۆك وەزیرانی عێراق راگەیەندراوێكی سەبارەت بە دیداری بافڵ جەلال تاڵەبانی سەرۆكی یەكێتی لەگەڵ محەمەد شیاع سودانی سەرۆك وەزیرانی عێراق بڵاوكردەوە و ئاماژە بۆ ئەوە كراوە تاوتوێی چەند پرسێك كراوە.
لە راگەیەندراوەكەدا هاتووە، باس لە پرسی رادەستكردنی داهاتی نەوت و نانەوتی هەرێمی كوردستان و مووچەی فەرمانبەرانی كرا وو گرنگی هەماهەنگی و كاركردن بۆ چارەسەركردنی دۆسیە هاوبەشەكان، بە گوێرەی چوارچێوە دەستووری و یاساییە كارپێكراوەكان و بڕیارەكەی دادگای فیدراڵی لەم بارەیەوە كراوە.
ئاماژە بۆ ئەوەش كراوە، لە بەشێكی تری دیدارەكەدا پێداچوونەوە بە ئامادەكارییە بەردەوامەكان كرا، بۆ ئەنجامدانی هەڵبژاردنەكانی پەرلەمان لە وادەی دیاریكراوی خۆیدا.
