ئاراس جەبار، شارەزای بواری كەشناسی رایدەگەیەنێت، لە سبەی دووشەممەوە بۆ رۆژانی داهاتوو لە ئەنجامی كاریگەریی بارستەهەوای دەریای ناوەڕاست بۆ سەر ناوچەكانمان پلەكانی گەرما روو لە نزمبوونەوە دەكاتەوە و گەرمای بەتین تا رادەیەك كەمدەبێتەوە بەرێژەی 2 تا 4 پلە لە ماوەی كاتەكانی سبەی دوای نیوەڕۆ بۆ ئێوارە.
دەشڵێت، “رۆژی سێشەممە لە كاتەكانی نێوان ئێوارە بۆ بەرەبەیانی رۆژی چوارشەممە ناو بە ناو لە هەندێك شوێندا بە تایبەت ناوچە شاخاوییەكانی باكووری پارێزگای هەولێر و دەڤەری بادینان و ئیدارەی سۆران و سنووری پارێزگای سلێمانی ئەگەر هەیە بارانی هاوینەیی ببارێت و هەورە بروسكەش چالاك بێت”.
وتیشی، “بڕی بارانەكە بە گشتی كەمدەبێت و شوێنەكان بە وردی ناتوانرێت دیاریبكرێت و پێشبینیدەكرێت لە هەندێك شوێندا رێژەیەكی زۆریش باران ببارێت بە شێوەی تاوەبارانی بەخووڕ و بوونی هەورەبروسكەش و بە گشتی پلەكانی گەرما لەسبەینێوە تاوەكو یەكشەممەی داهاتوو لە ئاستێكی ئاسای هاوینەدا دەمێنێتەوە و دواتر بەرزبوونەوەی پلەكانی گەرما دەستپێدەكاتەوە.
