هاتوچۆی گەرمیان رایگەیاند، ئۆتۆمبێلێک وەرگەڕا و بەهۆیەوە کەسێک گیانیلەدەستدا و کەسێکی دیکەش برینداربوو.
بەڕێوەبەرایەتیی هاتوچۆی گەرمیان بڵاویکردەوە، کەمێک پێش ئێستا لەنزیک گوندی تازەدێ ئۆتۆمبێلێکی جۆری تۆیۆتا کرۆلا بەئاراستەی ناحیەی باوەنور رۆیشتووە، کۆنتڕۆڵی لەدەستدا و وەرگەڕا، بەهۆیەوە شۆفێرەکەی لەدایکبووی ساڵی 1984 برینداربوو.
دەشڵێت، بەهۆی رووداوەکەوە سەرنشینێکی لەدایکبووی ساڵی 1965 گیانیلەدەستدا، بریندارەکە بەمەبەستی وەرگرتنی چارەسەر گەیەندرایە نەخۆشخانەی فریاکەوتنی شەهید هەژار و تەرمەکەش لەپزیشکی دادی کەلارە، تیمی هاتوچۆ لێکۆڵینەوەیان لە رووداوەکە دەستپێکردووە.
