بەیانی ئەمڕۆ شەممە 20ی شوبات عەمار حەکیم، سەرۆکی ڕەوتی حیکمەی نیشتمانی گەیشتە شاری سلێمانی کە سەردانەکەی بەبۆنەی ڕۆژی شەهیدانی عێراق و شەهیدانی کوردستانە.
لە یەکەم وێستگەی سەردانەکەیدا عەمار حەکیم، سەردانی مەزارگەی مام جەلالی لە دەباشان کرد و تاجە گوڵینەی لەسەر مەزارەکەی دانا.
ئێستا عەمار حەکیم لەگەڵ هاوسەرۆکانی یەکێتیی نیشتمانیی کوردستان، بافڵ تاڵەبانی و لاهور شێخ جەنگی لە کۆبوونەوەدان.
بڕیارە کاتژمێری2:00ی پاشنیوەڕۆی ئەمڕۆ کۆڕێک بە بۆنەی ڕۆژی شەهیدانی عێراق و کوردستان لە هۆڵی تەلاری هونەری شاری سلێمانی بە بەشداری بافڵ تاڵەبانی، هاوسەرۆکی یەکێتی ئەنجام بدات.
