بەهۆی دەستكاریكردنی گوللـە هاوەنەوە لە شاخێكی دەربەندیخان دوو كەس برینداربوون.
سلێمان محەمەد، قائیمقامی قەزای دەربەندیخان بە تۆڕی میدیایی ئێستای راگەیاند، رووداوێكی تەقینەوەی گوللـە هاوەن لە شاخی زەواڵی روویداوە و لە ئاكامیدا دوو كەس برینداربوون، كەسی سێیەمیش كە لەگەڵیاندا بووە سەلامەتە.
ئەوەشی وت، “رووداوەكە بەهۆی دەستكاریكردنی گوللەكەوە لەلایەن قوربانییەكانەوە بووە”.
یەكێك لە بریندارەكان پارچە بەر چاو و دەمی كەوتووە، ئەوی دووەمیش شان و ملی گرتووەتەوە و بۆ نەخۆشخانە گوازراونەتەوە، قائیمقامی دەربەندیخان وای وت.
