بەڕێوەبەری گشتیی ئاژانسی نێودەوڵەتیی وزەی ئەتۆم رایدەگەیەنێت، ئەڵمانیا توانای هەیە لە ماوەی چەند مانگێکی دیکەدا، ببێتە خاوەنی چەکی ئەتۆم.
رافایێل گرۆسی، بەڕێوەبەری گشتیی ئاژانسی نێودەوڵەتیی وزەی ئەتۆم لە چاوپێکەوتنێکی تەلەفیزیۆنیدا رایگەیاند، ئەڵمانیا ژێرخانی ئەتۆمیی پێشکەوتووی هەیە کە بریتییە لە وێستگە و ناوەندەکانی پیتاندنی یۆرانیۆم، وەک دامەزراوەی جولیچ.
وتیشی، لە جەنگی جیهانیی دووەمدا، ئەڵمانیای نازی هەوڵیدا چەکی ئەتۆمی لە رێگەی “پرۆژەی یۆرانیۆم”ـەوە، بە سەرۆکایەتیی وێرنەر هایزنبێرگ دروستبکات، بەڵام بەهۆی کەمیی سەرچاوە و کاتەوە، شکستیهێنا.
دەشڵێت، ئەمڕۆ ئەڵمانیا شارەزای ئەندازیاریی ئەتۆمی و توانای بەرهەمهێنانی پێشکەوتووی هەیە.
