ئەندامێکی ئەنجومەنی نوێنەرانی عێراق رایدەگەیەنێت، لە بەغدادەوە رەزامەندی خەرجکردنی 65 ملیۆن دیناری وەرگرتووە، بەڵام لایەنی پەیوەندیداری هەرێم دەڵێت “پێویستمان پێی نییە”.
غەریب ئەحمەد ئەندامی فراکسیۆنی یەکێتی لە ئەنجومەنی نوێنەرانی عێراق رایگەیاند، “بە هەوڵەکانمان توانیمان لە بەغدادەوە یەک ملیار دینار بۆ نەخۆشخانەی فریاکەوتنی راپەڕین دابینبکەین”.
ئاماژەی بەوەشکرد، “ئێمە خواستمان ئەوەبوو بڕی 65 ملیۆن دیناری بۆ تەواوکردنی نەخۆشخانەی 292 قەرەوێڵەیی رانیە دابینبکەین و لە بەغدادەوە رەزامەندیمان وەرگرت، بەڵام لایەنی پەیوەندیدار لە حکومەتی هەرێم وتیان، “لەم کاتەی ئێستادا پێویستمان نییە و خۆمان دابینیدەکەین”.
