حكومەتی هەرێم بڕیاریدا بێبەرامبەر پشكنین و چارەسەر بۆ منداڵانی ئۆتیزم ئەنجامبدرێت.
فەرمانگەی میدیا و زانیاریی حكومەتی هەرێم بڵاویكردووەتەوە، بڕیاردرا لەسەر ئەنجامدانی پشكنین و چارەسەركردنی منداڵانی ئۆتیزم بێبەرامبەر ئەو هەنگاوەش بە لەبەرچاوگرتنی دۆخی دارایی خانەوادەكانیانە.
ئاماژە بەوەشكراوە، وەزارەتی تەندروستی و كار و كاروباری كۆمەڵایەتی ڕاسپێردراون، بە هەماهەنگی كاری پێویست ئەنجامبدەن تاوەكو گشت منداڵانی ئۆتیزم بێبەرامبەر لە خزمەتگوزارییە تەندروستییەكان سوودمەندبن.
