وتەبێژی وەزارەتی کۆچ و کۆچبەرانی عێراق، رایگەیاند، 16هەزار هاوڵاتی لە کەمپی هۆڵەوە گەڕێندراونەتەوە.
عەلی عەباس، وتەبێژی وەزارەتی کۆچ و کۆچبەرانی عێراق، رایگەیاند، “تاوەکو ئێستا نزیکەی 16 هەزار هاوڵاتیی عێراقی بە 28 کاروان لە کەمپی هۆڵەوە گەڕێندراونەتەوە”.
باسی لەوەشکرد، “هێشتا نزیکەی 15 هەزار هاوڵاتیی دیکەی عێراقی لە کەمپەکەدا ماون و بڕیارە بەم نزیکانە کاروانێکی دیکەیان بگەڕێندرێتەوە و پرۆسەی گەڕاندنەوەی ئەوانی دیکەش بەردەوامیدەبێت”.
