پەیامنێری تۆڕی میدیایی ئێستا لە شاری هەولێر گواستییەوە، بڕیارە سبەی ئەنجومەنی وەزیرانی هەرێم كۆببێتەوە و یەكێك لە تەوەری كۆبوونەوەكان پرسی مووچەی مانگەكانی پێنج و شەشی مووچەخۆرانی هەرێمە.
ئاماژەی بۆ ئەوەش كرد، چاوەڕواندەكرێت لە كۆبوونەوەكەدا دەرئەنجامی گفتوگۆكانی نێوان هەرێم و بەغداد سەبارەت بە دەستپێكردنەوەی هەناردەی نەوتی هەرێمی كوردستان باسی لێوەدەکرێت.
هەرچەندە بڕیاربوو ئەمڕۆ ئەنجومەنی وەزیرانی عێراق بڕیاری ناردنی مووچە بدات، بەڵام لە كۆبوونەوەكەدا باس لە پرسی مووچەی مووچەخۆرانی هەرێم نەكرا.
